九龍城寨之圍城｜鄭保瑞為拍戲10年窮到櫃員機無錢撳 瑞導寄語15歲女兒 ：艱難都要選喜歡的路
撰文： 陳麗薇
發布時間： 2024/05/16 17:00
▲ 鄭保瑞寄語女兒不要為了着眼於賺錢，而去做自己不喜歡的事。
【九龍城寨之圍城/鄭保瑞/鄭保瑞女兒】電影《九龍城寨之圍城》近日熱爆全城，除了演員及童星演技出色外，作為該片的導演鄭保瑞更是功不可沒。榮獲第42屆香港電影金像獎最佳導演的鄭保瑞，今年事業登上人生高峰！風光背後，其實經歷了長達10年「櫃員機撳唔到錢」的貧窮狀態，他坦言沒有後悔：「做到自己想做就好值得！」育有15歲女兒的瑞導，教女方針一樣，希望她找到喜歡的事，廢寢忘餐去完成。
最新影片:
鄭保瑞導演早前出席一個元朗食店開幕禮時接受TOPick記者訪問，當日《九》片還沒上映，他提到好多人都知九龍城寨這個地方，電影背景在80年代，故事指一班人於出面未能搵工賺錢，住進九龍城寨後找到自己生活。瑞導為了電影做資料搜集親身訪問住過裡面的人，
我問番住過九龍城寨的人，呢個地方冇咗會唔會覺得可惜？佢哋就話唔會，因為城寨真係三不管地帶，都唔想下一代喺呢度生活，希望香港人可以喺套電影度搵番當年嘅感覺。
九龍城寨之圍城｜鄭保瑞只打過一份工
說起瑞導的電影夢，他也是由場務做起，讀完書後他只是做過一份工，就是做電影，他坦言這個決定至今都不後悔，「條路自己揀」。為了夢想曾經窮到撳唔到櫃員機：
我唔係啲由細到大就要做導演嗰類人，細個鍾意睇電影，但係唔覺得自己有機會做到，你反而入咗行之後就覺得呢個行業有機會發展，就繼續堅持落去，沿途當然係有困難，但是我讀完書之後第一份工就做電影做到依家，我唔做電影冇其他選擇，同自己講，點都要做啲成績，直至27、28歲先有機會做導演。
九龍城寨之圍城｜鄭保瑞家人唔反對當支持
在追逐電影夢上，瑞導不獲家人理解和支持：
唔反對已經係支持，因為啲家長唔知你做咩，唔知電影係乜，加上80、90年代電影圈好複雜，媽媽唔鍾意。
九龍城寨之圍城｜風水師一句話改變媽媽想法
鄭保瑞憶起：「我媽咪搵人睇家中風水，我剛剛起身，個師傅望一望我，跟住同阿媽講，你個仔唔撈偏門都冇嘢做，咁電影就係第八藝術，屬於偏門，咁做偏門唔係打家劫舍就得，做電影係命中注定。」
九龍城寨之圍城｜窮到「櫃員機撳唔到錢」
初入行瑞導由場務做起，他坦言接近10年窮到「櫃員機撳唔到錢」：
哪怕我做咗導演之後頭幾部戲都係keep住撳唔到錢，就係要捱、就係要堅持，好似我剛剛做導演，執導完第一、二部戲之後，我就返去做副導演，再學、再等機會做導演，拍咗兩、三部之後，啲人覺得放心交低部電影俾我拍，先覺得自己係導演。
問到捱窮都要堅持下去，值唔值得？瑞導說：「至少條路自己揀，是自己喜歡的事，我覺得好值得，我身邊好多朋友，都搵唔到一份自己想做工作，可能就不停咁讀書，考個牌，着眼於搵食，只為咗生活，我維持到生活，又做到自己想做嘅嘢就好值得。」
九龍城寨之圍城｜瑞導與太太育兒方針不同
育有15歲女兒的他，太太是著名女校拔萃女書院畢業，要求女兒至少要讀完大學，他教女方針就截然不同，認為一定要找到自己的興趣，然後廢寢忘餐去完成：
我同阿女講讀書夠就得㗎啦，最好就係快啲搵到自己鍾意嘅事，你先會廢寢忘餐，我希望佢盡早搵到，但係我就唔會逼佢即刻決定，佢依家都係不停探索中，阿女喺加拿大讀書，當佢揀科時，我都唔希望佢係諗住搵工易啲，係要揀自己鍾意嘅嘢，但係都會艱難嘅，太太就覺得至少要個女完成大學，先至去做自己想做嘅事。
憑《命案》一片奪得第42屆香港電影金像獎最佳導演的鄭保瑞，他謂：「《命案》是他繼《智齒》後，第二次跟林家棟合作，他坦言兩人已經有一定的默契，而《命》片一洗《智齒》的沉鬱，家棟飾演風水師，性格比較外向，問到兩人合作間的難忘事？他說：「有一場戲家棟足足拍了50幾個take, 因為個鏡頭情緒要不停咁轉換，叫到聲沙，對於佢來講都係幾辛苦。」
問到瑞導的作品想帶出什麼寓意給觀眾？他說由觀眾自己揣摩，
我哋作者就係當電影出咗世之後，我哋唔好再講，因為嗰件貨係觀眾，你哋睇到乜嘢就係乜嘢喇。
🎓全新TOPSchool全港中小學校搜尋器，入HKET App即睇！
💯備戰考試季！立即下載免費試題👉🏻【中英數常識試題下載】
下載HKET App，追蹤TOPick WhatsApp頻道，睇全方位資訊：
